مراية

ها حد بص في المراية النهاردة ؟ اتحداك لو قولت لأ بس طبعا ليك حق الاعتراض على الكلام وطبعا اي حد بتكلم معاه في اي حاجة بقوله الكلام دا ......
طب معلش قوم بص كده ها شايف ايه ؟؟؟؟ ودا سؤال برده !!!!! شايف نفسك طبعا يعني هاتبص تشوف مين بذمتك يعني ؟؟؟؟
ايوة بقى شايف نفسك ازاي ؟
عمرك قبل كده قعدت مع نفسك صارحت نفسك ؟
شايف نفسك دي تقدر تقدم ايه تصلح بيه
عمرك قبل كده سألت نفسك طب هو انا عايز ايه وممكن احققه ازاي ؟ طب عمرك حددت نقاط ضعفك ونقاط قوتك؟
طب هو انت متميز في ايه ؟عارف ؟! واللي هايقولي مش متميز في حاجة هاقوله انت عمرك ما شوفت نفسك صح ؟!
طب تيجوا مع بعض كده نعمل حبة حاجات يمكن نساعد بعض وانا عن نفسي هبدأ معاكوا :
1- هات ورقة وابدأ اكتب اهدافك ورتبها حسب اهميتها بالنسبالك
2- حدد انت كويس في ايه على فكرة في حاجات كتير اوي ممكن انت تكون مش واخد بالك منها بس حاول تكتب اللي تعرفه
4- حدد نقاط ضعفك ودي برده ماتعتبرش انها حاجة وحشة لان زي ما انت عارف مفيش حد كامل في كل حاجة
5-فكر ازاي تستغل نقاط قوتك وفكر برده ازاي تبعد نقاط ضعفك او تحايدها عشان توصل لهدفك
6- لو نجحت في تحقيق هدفك اوعى نجاحك دا يضيع منك وحافظ عليه وكبره
7-لو حصلك حاجة او فشلت في تحقيق هدفك دا اوعى تيأس لأنك لو فكرت انك تيأس مش هاتكمل باقي اهدافك وهاتبقى الخسارة فوق ما تتخيل وخليك فاكر ان طعم النحاج الحقيقي مش بيحسه الا حد فشل ويكفيك شزف المحاولة

إذا كنت تستطيع أن تحلم بشيء .. فإنك تستطيع إذن تحقيقه ........ والت ديزني